කුඩා රොබෝ මිතුරා

 ජපානයේ අභ්‍යවකාශ පර්යේෂණ ඒජන්සිය විසින් “ ඇසිමෝ ” වැනි ප්‍රසිද්ධ මනුෂ්‍යාභ රොබෝ (Humanoids robots) වරුන් සහිත යානා අභ්‍යවකාශ ගතකර නොයෙක් පර්යේෂණ සිදු කරයි.එහෙත් බොහො දෙනෙකුට අවශ්‍ය වන්නේ (විශෙෂයෙන් ළමා   මහළු අයට) මිල අඩු ,සරල, පහසුවෙන් හැසිරවිය හැකි රොබෝ මිතුරෙකි.කැනඩාවේ මොරන්ටොයි Aesthetic studio ආයතනය මේ සඳහා ඔවුන්ගේ කුඩා රොබෝ මිතුරෝ ඉදිරිපත් කර තිබේ.

   

කුඩා රොබෝ මිතුරන් LED ඇස් ,කුඩා Speaker මුඛයක් (ශබ්දය සඳහා) සහිතව නිර්මාණය කර තිබේ.ඒවාට ආලෝකයේ වෙනස්කම්, විවිධ ශබ්ද, විවිධ ස්පර්ශ හඳුනාගත හැකිය.කුඩා රොබෝ මිතුරන්ට එකිනෙකා හඳුනාගත හැකිය.එලෙස හඳුනා ගැනීමෙන් විවිධ ප්‍රතිචාර දක්වයි.කුඩා රොබෝ මිතුරා ඇමතූ විට හෝ ස්පර්ශ කළවිට ඒවා සංවාදයේ යෙදේ.ඇස්වලින් ආලෝකය විහිදා ප්‍රතිචාර දක්වයි.කුඩා පරිගණක මිතුරන්ගේ බාහිර හැඩය (රවුම්,හතරැස්,ත්‍රිකෝණ) අනුව ඔවුන්ට අල මහතා, තරු මහතා වැනි විවිධනම් ලබාදී තිබේ.    

                                                                                       

Aesthetic Studio කුඩා පරිගණක මිතුරන් 55000ක් විකිණිමට බලාපොරොත්තු වුවද දැනට 90,000කට වැඩි ප්‍රමාණයක් අලෙවි කර තිබේ.කුඩා පරිගණක මිතුරන් පෞද්ගලික පරිගණකයකින් සරලව,වියදමකින් තොරව ප්‍රතිලේඛණය (Programming) කර ගත හැකිය.විශේෂිතවු කාර්යයන් කිරීම සඳහා නිපදවා නොමැත.හුදෙක් විනෝදය සැපයීම පිණිස වේ.පැසැල් සිසුන්ට පරිගණක දෘඩකාංග ඉගැන්වීම සඳහා සමහර කුඩා පරිගණක මිතුරන්ට අධ්‍යාපනික වැඩ සටහන් ප්‍රතිලේඛණය කර තිබේ.

උපුටාගැනීම:

Say Hello To My Little (Robot) Friend

SEP 17, 2013 08:19 AM ET // BY JESSE EMSPAK

http://news.discovery.com/tech/apps/say-hello-to-my-little-robot-friend-130917.htm

http://www.youtube.com/watch?v=CmiZUKUdVX0

සමතුල වෛද්‍ය පරීක්ෂණාගාරය

නිරෝගී දිවියක් සඳහා රුධිර ධාවනය, ශරීර උෂ්ණත්වය, හෘද ස්පන්ධන වේගය, රුධිර සීනි ප්‍රමාණය වැනි වෛද්‍ය පරීක්‍ෂණ තොරතුරු ඉතා වැදගත් වේ. නිරතුරුව මෙම තොරතුරු අධ්‍යයනය කර අසාමාන්‍ය තත්වයන් වාර්තා කිරීමට හැකි සංවේදකයක් සම තුල තැන්පත් කිරීමට විද්‍යාඥයෝ සමත් වී තිබේ.

මෙම සංවේදකය ශරීරයට එන්නත් කර වසරක් පුරා සම තුල සිටිමින් ශරීර සෞඛ්‍ය පමණක් නොව පාරසරික වෙනස්කම්ද  (අපවිත්‍ර වායු) හඳුනාගත හැකි ලෙස ප්‍රතිලේඛනය කර ශරීරයට එන්නත් කළ හැකි සංවේදකයක් නිපදවීමට පර්යේෂණ කණ්ඩායම යුහුසුළු වෙයි.

MIT ආයතනයේ රසායනික ඉංජිනේරු පර්යේෂක නිකෝල් ඉවසන් විසින් කාබන් නැනෝටියුබ් වලින් මෙම සංවේදක සංවර්ධනය කිරීමට සමත් වී තිබේ. මීයන් තුල සංවේදක තැන්පත් කර එහි ක්‍රියාකාරීත්වය ඇය විසින් ප්‍රසිද්ධියට පත් කරන ලදි.

අධෝරක්ත ආලෝකයෙන් දීප්තිමත් විය හැකි නිසා නැනෝ ටියුබ් මේ සඳහා වඩාත් යෝග්‍යය වේ. NO (නයිට්‍රික් ඔක්සයිඩ්) සඳහා සංවේදී DNA තුල කාබන් නැනෝ ටියුබ් ඇතුලත් කර, කෙටි කාලීනව හා දීර්ඝ කාලීනව ක්‍රියා කළ හැකි සංවේදක 2 ක් ඉවසන් විසින් සංවර්ධනය කර ඇත. කෙටි කාලීන සංවේදකය ශල්‍යකර්ම වලදී දක්වන ප්‍රතික්‍රියා සඳහාද දීර්ඝකාලීන සංවේදක පිළිකාව, දියවැඩියාව, ප්‍රතිශක්තිකරණ ප්‍රතික්‍රියා, කෘතිම සන්ධි සඳහාද භාවිතා වේ.

එන්නත් කළ හැකි සංවේදක සඳහා DNA වලින් ආවරිත නැනෝ ටියුබ් වලට Polymer එන්නත් කර ඇත්තේ රුධිරය සමඟ සම්බන්ධ වී හෘද වස්තුව, පෙනහළු හරහා ආබාධයකින් තොරව ගමන් කිරීමට හැකි වන ලෙසටය.

NOV 5, 2013 10:22 AM ET // BY JESSE EMSPAK

http://news.discovery.com/tech/nanotubes-make-implantable-injectable-sensors-131105.htm

http://www.youtube.com/watch?v=neIAtvKG_BQ

දිවෙන් දීප්තිමත් වන අයිස්ක්රීීම්

විවිධ රස වලින් සමන්විත අයිස්ක්‍රීම් ඔබ රස බලා ඇත. එහෙත් දිව හා ස්පර්ශ වන විට විදුලිය දැල්වෙන අයිස්ක්‍රීම් ඔබ දන්නේද?

ප්‍රසිද්ධ අයිස්ක්‍රීම් නිෂ්පාදකයෙකු වන චාලි හැරී ප්‍රැන්සිස් අඳුරේදී ආලෝකය විහිදන අයිස්ක්‍රීම් ප්‍රථම වරට නිෂ්පාදනය කර ඇත. ජෛව සන්දීප්ත ජෙලිෆිෂ් (Jellyfish - ලොඩියා) ගේ දීප්තිය ලබා දෙන ප්‍රෝටීනයක් උපයෝගී කරගෙන දිදුලන අයිස්ක්‍රීම් සාදා තිබේ.

“Jellyfish ගෙන් ප්‍රෝටීන ලබා ගන්නා සමාගමක් සමඟ අපි සම්බන්ධ වී කටයුතු කළා.එමඟින් PH ශුන්‍ය අගයේදී කැල්සියම් හා ප්‍රතික්‍රියාවෙන් දීප්තිය ඇති කරන විශේෂ ප්‍රෝටීනයක හඳුනා ගත්තා” යැයි ප්‍රැන්ශිස් ප්‍රකාශ කළේය. මෙම විශේෂිත ප්‍රෝටීනය, කැල්සියම් හා සම්බන්ධ වූ ක්‍ෂණයෙහි දීප්තිමත් වේ. එපමණක් නොව එම ප්‍රෝටීනය සහිත අයිස්ක්‍රීම්ද දිව ගෑවුනු ක්‍ෂණයෙන් දීප්තිමත් වීම විශේෂයක් විය. කෙසේ වෙතත් අයිස්ක්‍රීම් වල රසය ගැන විස්තර ලැබී නැත.

සාමාන්‍යයෙන් දැල්වෙන අයිස්ක්‍රීම් ඉතා මිල අධික වේ. එහෙත් වඩා අඩු මුදලකට අඳුරේදී දැල්වෙන අයිස්ක්‍රීම් වර්ගයක් ක්විනීන් (quinine) යොදා නිෂ්පාදනය කර තිබේ.

උපුටාගැනීම:

NOV 5, 2013 09:25 AM ET // BY TRACY STAEDTER

http://news.discovery.com/tech/biotechnology/ice-cream-glows-lights-up-when-licked-131105.htm

http://www.youtube.com/watch?v=Z-NpO5DIX88

ජංගම දුරකථනයෙන් මෙහෙයවන කෘතිම අත

සමහර සත්ව වි‍ශේෂයන්ට මෙන් ප්‍රතිවිරුද්ධ මාපටැඟිල්ල සහිත නව prosthetic (සංලග්ස්) අතක් සමග එය ජංගම දුරකථනයෙන් ක්‍රියා කරවීමේ හැකියාව පිළිබඳ තොරතුරු එහි නිර්මාණය කළ ටච් බයෝනික්ස් ආයතනය විසින් පසුගියදා නිරාවරණය කරන ලදි.

භාවිතා කරන්නාගේ බාහුවල පේෂීන්, ජංගම දුරකථන හරහා ලබා දෙන සංඥා මඟින් මෙම බලගැන්වූ මාපටැඟිල්ල පාලනය වේ. ජංගම දුරකථනයේ තිරය ස්පර්ශ කිරීමෙන් යාන්ත්‍රික අත ස්වයංක්‍රීයව කලින් සකස් කල ඇල්ලීමක (යමක් අල්ලා ගැනීමට හැකි) ස්වරූපයකට පත් වේ. මාපටැඟිල්ල මෙලෙස විවිධ ඇල්ලීම් 24කට පරිවර්තනය කළ හැකිය. තවද ක්‍රියාකාරකමේ හුරුබව වැඩි කිරීමට සංවේදී නව ඇඟිලිතුඩු වල විද්‍යුත් අග්‍ර උපකාර කරති.

      

බලගැන්වූ පූර්ණ වටයක් කැරකැවිය හැකි මාපටැඟිල්ල, ජංගම දුරකථන සම්බන්ධතාවය සහ සියලුම වර්ගයේ ඇල්ලීම් (ගැම්ම) ක්‍ෂණිකව ඇති කර ගත හැකි වේ. ස්වාභාවික අතක් මෙන් තම යාන්ත්‍රික අත භාවිතා කළ හැකි වීම තමා කිසිසේත් අපේක්‍ෂා නොකල සිදු වීමක් බව මෙවැනි යාන්ත්‍රික අතක් හිමි  බ’ටොල්ට් වෙයාර් පවසයි.

යතුරු ලියනය, ලේඛණ භාවිතය, පරිගණක මවුසය භාවිතය වැනි “වැඩ” යන කාණ්ඩය යටතේ ඇති ක්‍රියාකාරකම් වේ.ඒ සඳහා අවශ්‍ය ඇල්ලීම් කලින් හැඩ ගැසීම පහසුවෙන් කළ හැකිය. කෘතිම අතක් ලබාදීමේ සම්පූර්ණ ක්‍රියාවලියට නවකයින් සඳහා කෘතිම අත ගැන තොරතුරු සහ භාවිතයේ පුහුණුව ඇතුළත්ව තිබේ.

උපුටා ගැනීම  :- 

Douglas Heaven, reporter

http://www.newscientist.com/blogs/shortsharpscience/2013/04/bionic-hand.html

http://www.youtube.com/watch?v=bCyaaga8MqA

සාමාන්‍ය බීජ වලින් නැනෝ මල්

පෝෂක එකතු කිරීම, උෂ්ණත්ව පාලනය, අවක්ෂේපන නිරීක්‍ෂණය වැනි උද්‍යාන රෝපණයේ මූලධර්ම, නැනෝ(ඉතාමත් සියුම්) මට්ටමේ මල් වැවීමේදී පවා වෙනස් වී නැත. එහෙත් සූක්‍ෂම වැවිලි කරුවෝ නිනිති මල්, ආගන්තුක පළතුරු ආදිය විවිධ මිශ්‍රණ වලින් එකතු කර ගත් අණු මඟින් වගා කර තිබේ.

 ඔවුන්ට පැළ සිටවා ඒවා වැඩෙන තෙක් පාලනයකින් තොරව බලා සිටීමටසිදුවිය (වියදම් අධික තාක්‍ෂණික හා කාර්මික ක්‍රම භාවිතා නොකරන අවස්ථාවලදී ). නිනිති මල් වගාව සඳහා වියදම් අධික නොවූ අසරල වැඩ පිළිවෙළක් හාවඩ් විශ්ව විද්‍යාලයේ විම් නුර්ඩුයින් හා කණ්ඩායම නිර්මාණය කර ඇත.

ඔවුන් මල් පොකුරක් සාවද්‍ය වර්ණක වලින් වම් පස සමන්විත වනසේ අධියර තුනකින් සකස් කරන ලදි.

*         4⁰C  උෂ්ණත්වයේදී සෝඩියම් සිලිකේට් හා බේරියම් ක්ලෝරයිඩ් ද්‍රාවණයේ වාතයේ ඇති CO₂ (කාබන්ඩයොක්සයිඩ්) වැඩි ප්‍රමාණයක්  දියවීම නිසා බේරියම් කාබනේට් හා සිලිකා (රතු) විශාල ලෙස තැන්පත් වන රසායනික ප්‍රතික්‍රියාව ක්‍රියාත්මක වේ.එනිසා පළමුව සෝඩියම් සිලිකේට් හා බේරියම් ක්ලෝරයිඩ් ද්‍රාවණ 4⁰C දක්වා ශිත කලේය

*        කාමර උෂ්ණත්වයේ ස්ට්‍රොන්ටියම් ක්ලෝරයිඩ් ද්‍රාවණයක් ,කුඩා බඳුනක තැන්පත් කර තිබේ.මෙම ද්‍රාවණය CO₂  දියවීම නිසා කොළපාට අංකුර මතුවිය.

*        නිතර ඇරෙන වැහෙන ලෙස බීකරයේ පියන සැකසීමෙන් CO₂ ස්පන්දනය නිසා අංකුරය 

       වැඩීම වේගවත් වී මයික්‍රෝ මිලිමීටර 25 (ඉතාමත් කුඩා) පළල මල් පිපේ.

රූපයේ ඇති සියුම් නිනිති මල් සඳහා පමණක් මෙම නිනිති හැඩ ගැන්වීමේ ශිල්පය සීමා නොවන අතර ඉලෙක්ට්‍රොනික ඉංජිනේරු ශිල්පයේ සහ ප්‍රකාශ විද්‍යාවේ හා දියුණුවටද භාවිතා කළ හැකි බව නුර්ඩුයින් හා කණ්ඩායමේ අදහසයි.                                    

   

   

උපුටාගැනීම: 

 Victoria Jaggard, NewScientist

 http://www.newscientist.com/article/mg21829220.100-delicate-nanoflowers-coaxed-  from-simple-seeds.html?cmpid=RSS%7CNSNS%7C2012-GLOBAL%7Conline-news#.Umi3LpI_tGY

  http://news.nationalgeographic.com/news/2013/05/pictures/130516-microscopic-flowers-building-nanoscale-chemistry-science/#/scientists-make-nano-flowers-red_67528_600x450.jpg

සමේ රෝග කියන කැමරාව

විවිධ හේතු (ව්‍යාධිජනනය) නිසා වනාන්තරයේ ඇති වී තිබෙන ලප කැලැල් භූදර්ශන ජායා රූප වල අවිධිමත් බවින් අනාවරණය කර ගත හැකි තාප සංවේදී අධි තාක්‍ෂණික කැමරා, දැන් චර්ම රෝග හඳුනාගැනීමට භාවිතා කළ හැකිය.

වෛද්‍යවරු සාමාන්‍යයෙන් චර්ම රෝග විනිශ්චය කරනුයේ රෝගයේ සම මත පැතිරීම, රක්ත වර්ණ වීම, ඝන වීම, ශල්කියවීම (කොරපොතු ස්වාභාවය) වැනි කරුණු නිරීක්‍ෂණය කිරීමෙනි. ඒවා නිරීක්‍ෂණය බොහෝසේ විෂයානුබද්ධ වේ. මෙම නව කැමරා තාක්‍ෂණය රෝග විනිශ්චය සඳහා වඩා නිවැරදිව භාවිතා කල හැකිදැයි, නිව්යෝක්හි රොචෙස්ට විශ්ව විද්‍යාලයේ ප්‍රැන්සිස්කෝ ටොස්ක් හා රොචෙස්ට තාක්‍ෂණ ආයතනයේ ඔහුගේ කණ්ඩායම විසින් පරීක්‍ෂා කරනු ලැබේ.

ආබාධිත සම අභ්‍යන්තරයේ රුධිර සංසරණය වේගවත් වීමෙන් සිදුවන උණුසුම් වීම මඟින් රක්ත වර්ණ වීම ප්‍රමාණාත්මකව හඳුනාගැනීමට මෙම තාප කැමරා සමත් බව මූලික පරීක්‍ෂණ වලදී අනාවරණය වී ති‍බේ (රූපය බලන්න).

පාරජම්බු ආලෝකකිරණ ඡායාරූප වල ආබාධිත කොටස් දීප්තිමත්ව සටහන් වීම මඟින් සම තුල දීප්තිය ලබා දිය හැකි ඇමයිනෝ අම්ල අඩංගු බව හඳුනා ගැනීමට හැකියාව ලැබෙන බව පර්යේෂකයෝ ප්‍රකාශ කරති. මෙම අවස්ථා දෙකෙහිදීම මතුපිට සම පියවි ඇසට නිරෝගී සමක් ලෙස දිස්වෙන බැවින් කැමරාවට චර්ම රෝග වර්ධනය විය හැකි ස්ථාන පිළිබඳව වඩා සියුම් ලෙස ඉඟි පළකල හැකිවේ.

චිකිත්සාගාර පර්යේෂණ සඳහා පර්යේෂණ කණ්ඩායම මූල්‍ය ආධාර අපේක්‍ෂා කරයි.

උපුටා ගැනීම : New Scientist – Health Magazine, August

http://www.newscientist.com/article/mg21528785.500-imaging-cameras-detect-severity-of-skin-problems.html#.Ul0R2pJHIbU

බලය ලැබෙන්නේ කෙසේද?

බලය පුද්ගලයා වෙනස් කරයි. නවතම අධ්‍යයනයකින් බලය ඇතිවීමේදී පුද්ගලයෙකුගේ මොලය තුල සිදුවන වෙනස්කම් හඳුනාගැනීම පිළිබඳව තොරතුරු වාර්තා වී ඇත. 

අන් අයගේ perspectives ලබා ගැනීම සඳහා බලගතු මිනිසුන්ගේ අනුවර්තනයවීමට ඇති කැමැත්ත අඩු වීම කෙරෙහි බලපාන යාන්ත්‍රනය පිළිබඳව මෙම අධ්‍යයනයේදී ස්නායු විද්‍යාඥයන්ගේ අවධානය යොමු විය.

“Motor resonance system” නමැති මොලයේ ස්නායු පරිපථ ජාලයක් මඟින් ක්‍රියාත්මක වන ක්‍රමයක් තුලින් අප තුලට අන් අයගේ ප්‍රායෝගික අත්දැකීම ඇතුළුකර ගැනීම සිදුවේ. අන් අයට එරෙහිව බලය පැතිරවීමේදී බලය පතුරවන්නාගේ මොලයේ එම ක්‍රියාවලිය අක්‍රිය වන බව මෙහිදී හඳුනා ගෙන තිබේ.

 උදාහරණයක් ලෙස යම් කෙනෙකු පන්දුවක් විසි කරනු අප දුටු විට පන්දුව විසි කිරීමේ ක්‍රියාවලියට අදාල අපගේ මොලයේ කොටස්ද අනුවර්තනයෙන් සක්‍රිය වේ. අපේ මොලයේ අන් අයගේ ක්‍රියාව අපට දැනෙන ලෙස සිදුවන ක්‍රියාකාරීත්වය resonate (අනුනාද වීමේ) ක්‍රියාවක් ලෙස මොලයේ ඇති tronto-parieta (මොලයේ ඉහළ කොටසේ) ප්‍රදේශයේ සිදු වේ.

ක්‍රියාකාරකම් මඟින් බලවත්, අසරණ, උදාසීන වැනි චිත්තාවේග ඇති වීමට සලස්වා ඒ අවස්ථා වලදී ඔවුන්ගේ මොලයේ ක්‍රියාකාරීත්වය හඳුනාගැනීමට ස්නායු විද්‍යාඥ ජෙරමි හොග් එමීන් හා කණ්ඩායම (කැනඩාවේ වෝටලුහි විල්ෆ්‍රඩ් ලොරියල් විශ්ව විද්‍යාලයේ) සමත් වී තිබේ.

මෙහි සරල අදහස නම් බලය නිර්මාණය වනුයේ අන් අය පිළිබඳ නොසළකා හැරීම (සාපේක්‍ෂව ගැඹුරින් අවබෝධකර නොගැනීම) බව පර්යේෂකයෝ පවසති.

උපුටා ගැනීම :

http://www.world-science.net/exclusives/130704_power.htm

World Science – July 4, 2013

කඩදාසි වලින් සත්‍ය පරිගණක

කඩදාසි පරිගණකය. එයින්ඉරා ගත් කඩදාසි කැබැල්ලක් පරිගණකයේ කොටසක් ලෙස වෙනත් කෙනෙකු පාවිච්චි කිරීම ඔබට පිළිගත හැකිද? ඉලෙක්ට්‍රොනික පරිපථ වල සන්නායක රිදී රේඛා ඉතාමත් සාර්ථකව කඩදාසි මත මුද්‍රණය කිරීමට ජපානයේ ටෝකියෝ විශ්ව විද්‍යාලයේ යොෂිහිහිරෝ කවහාරා ඇතුළු කණ්ඩායම සමඟ එක්වූ එංගලන්තයේ කේම්බ්‍රිජ් හි මයික්‍රොසොෆ්ට් ආයතනයේ ස්ටීව් හොග්ට  හැකි විය. සරල පරිගණක Inkjet ප්‍රින්ටරය ඔවුන් මුද්‍රණය සඳහා භාවිතා කර, රිදී නැනෝ අංශු  වලින් සමන්විත තීන්ත භාවිතා කර ඇත. කවහාරා කඩදාසියේ මුද්‍රිත moisture sensor (තෙතමත සංවේදකයක්) ස්විස්ටර්ලන්තයේ පැවැති සම්මන්ත්‍රණයකදී පසුගියදා ක්‍රියාත්මක කර පෙන්වන ලදි.

විවිධ නව ඉලෙක්ට්‍රොනික පරිපථ හුදෙක් මුද්‍රණයෙන් ලබා ගෙන අත්හදා බලා, වැඩ නොකරන්නේ නම් විසිකර දැමීමේ අවස්ථාව උදා වීම නිසා විනෝදයක් ලෙස නව ඉලෙක්ට්‍රොනික පරිපථ නිරුමාණකරුවන් නව නිර්මාණ ඉදිරිපත් කරනු ඇතැයි කවහාරා විශ්වාසය පළ කරයි. තවද ත්‍රිමාණ මුද්‍රණයෙන් ඉලෙක්ට්‍රොනික පරිපථ මුද්‍රණය කිරීමේ අපහසුතාව මෙමඟින් මඟ හැරී තිබේ. ටෝකියෝ හි මිටිෂුබිසි කෙමිකල් ආයතනය මෑතකදී සංවර්ධනය කරන ලද silver suspension (අවලම්භිත රිදී ) තීන්ත භාවිතා කර රු. 10,000/- ක පරිගණක Inkjet ප්‍රින්ටරයකින් ජායාරූප මුද්‍රණ කඩදාසි මත ඉලෙක්ට්‍රොනික පරිපථ හොඳින් මුද්‍රණය කළ හැකි බව කවහාරා  ප්‍රකාශ කරයි. අංශු වල ප්‍රමාණය,දුස්ස්‍රාවිතාව සහ මතුපිට ආතතිය, පැතලි රිදී සන්නායක කඩදාසිය මත මුද්‍රණයට සුදුසු තත්වයේ පවතින අතර තීන්ත වල ඇති රිදී අංශු නිදහස් කිරීමට එය රත් කිරීම අනවශ්‍ය වේ. Resistors (ප්‍රතිරෝධක), capacitors සාමාන්‍ය ඉලෙක්ට්‍රොනික පරිපථයකදී පෑස්සීම කළද මෙහිදී සන්නායක ගම් වර්ගයකින් ඇලවීම මඟින් ක්‍රියාකාරී පරිපථ බවට පත් කරනු ලැබේ.

පැළෑටි සඳහා භාවිතා කරන කඩදාසි මත මුද්‍රිත තෙතමන සංවේදකයේ එක් පරිපථ කොටසක් වර්ෂාපතනයද තවත් පරිපථ කොටසක් ආර්ද්‍රතාවයද මිනිනු ලබන අතර එමදත්ත මුද්‍රිත Wi-Fi ඇන්ටනාවක් මඟින් සම්ප්‍රේෂණය කරයි.LED bulb හා battery සම්බන්ධ කරන Wire හොග් කඩදාසි මත මුද්‍රණය කර තිබේ. මීට අමතරව micro processors (ක්‍ෂුද්‍ර සකසනය) සහ memory chips( මතකචිපය) සම්බන්ධ කිරීම් ඇතුළුව විවිධ සංකීර්ණ ඉලෙක්ට්‍රොනික පරිපථ Inkjet ප්‍රින්ටරය මඟින් මුද්‍රණය කර ඇත. මේවා භාවිතා කර, කුඩා කැබලි වලට වෙන් වුවද ක්‍රියාත්මක කළ හැකි කඩදාසි පරිගණක සෑදිමට සෛද්ධාන්තිකව හැකි වේ.

සාමාන්‍ය මිලට රිදී ආශ්‍රිත Inkjet ප්‍රින්ටරය මිලදී ගැනීමට හැකිවුවහොත් අතින් ඇඳි පාට කළ හැකි විවෘත සන්නායක පරිපථ බහුල වන බව හා තව වසර 20 කින් ඔබටම ජංගම දුරකථනයක් මුද්‍රණය කරගෙන භාවිතා කළ හැකි වන බව හොග් සහ කවහාරා ප්‍රකාශ කරති.

උපුටා ගැනීම  :- 

         03 rd October 2013 ,Paul Marks         New Scientist Magazine 2937   

     http://www.youtube.com/watch?v=BwKQ9Idq9FM

ජලජ ග්‍රහයෙක්

ජලය ජීවයේ උල්පතයි.පිටසක් වල ජිවීන් පිළිබඳ අපේ කුතුහලය ඉහළනංවමින්පෘථිවියේ මෙන් ජලය සහිත ශිලාමය (ගල් වලින් පිරි) කුඩා ග්‍රහලෝකයක් හෝ ක්‍ෂුද්‍ර ග්‍රහයෙකු පිළිබඳ සාක්‍ෂි තාරකා විද්‍යාඥයින් විසින් මෑතකදී අනාවරණය කර ගෙන තිබේ. පෘථිවියේ ජල ප්‍රමාණය එහි ස්කන්ධයෙන් 0.023% පමණක් වුවත් මෙම කුඩා ග්‍රහලෝකයේ එහි ස්කන්ධයෙන් 26% ක ජල ප්‍රමාණයක් ඇත. සෞරග්‍රහ මණ්ඩලයට පිටතින් දක්නට ලැබුණු ප්‍රථම ජලය සහිත පාෂාණමය අංගය මෙය වේ.

කේම්බ්‍රිජ් විශ්ව විද්‍යාලයේ තාරකා විද්‍යාඥ සහ පරීක්‍ෂණ ව්‍යාපෘතියේ ප්‍රධානියා වන ජේ ෆාරිහි නියත වශයෙන් වාසයට සුදුසු ග්‍රහලෝක පැවතීමේ විභවයක් ඇති බව මෙමඟින් පිළිඹිබු වන්නේ යැයි පවසයි.

 තම තාරකාව වූ GD 61 ආසන්නයේදී වඩා විශාල පාෂාණමය ග්‍රහලෝකයක් හා මෙම කුඩා ජලජ ග්‍රහයා ගැටීමෙන් පසු GD 61 ගුරුත්ව බලයෙන් එය ඉවතට තල්ලු කර ඇතැයි සැලකිය හැකි බවත් මේ අවස්ථාවේදී ජලජ ග්‍රහලෝකයේ තත්වය සුභදායක නොවන අතර එය හුදෙක්, සුදු කුරුමිටෙකු (වාමනයා) වන් GD 61 තාරකාව වටා භ්‍රමණය වන සුන්බුන් කැබලි පොකුරක් (debris bunch) බවත් ෆාරිහි හා ඔහුගේ කණ්ඩායම ප්‍රකාශ කරයි.

Hubble Space නම් දුර දක්නය මඟින් ලබා ගත් තොරතුරු විශ්ලේෂණය කර ජර්මනියේ හා එක්සත් ජනපදයේ තාරකා විද්‍යාඥයෝ ජලජ ග්‍රහයාගේ රසායනික සංයුතිය හඳුනාගැනීමට කටයුතු කරති. GD 61 තාරකාවේ වායුගෝලය අනුව පැහැදිලි කළ හැකි ප්‍රමාණයට වඩා විශාල ඔක්සිජන් ප්‍රමාණයක් මෙහි පවතින බවට සාක්‍ෂි ලැබී තිබේ. මෙම අමතර ඔක්සිජන් ජලය හෝ කාබන් හා බැඳී තිබිය(ඔක්සිජන්, කාබන් හා බැඳෙනුයේ කාබන්ඩයොක්සයිඩ් ලෙසටය) යුතු බව ජලජ ග්‍රහයා ගැන අධ්‍යයනය කළ බෝවික් විශ්ව විද්‍යාලයේ තාරකා විද්‍යාඥ බොරිස් ගැන්සිකේ ප්‍රකාශ කරයි. එහෙත් GD 61 හි ඉතා සුළු කාබන් ප්‍රමාණයක් තිබෙන බව සොයාගෙන ඇති බැවින් මෙම ඔක්සිජන්, ජලජ ග්‍රහයාගේ ජලය හා මිශ්‍රව පැවතිය යුතු බව පාරිහි, ගැන්සිකේ හා තුන්වන සහකරු කීල් විශ්ව විද්‍යාලයේ ඩෙට්ලෙව් කොයෙස්ට සඳහන් කරති.

තව වසර බිලියන 06 කට පසු පෘථිවිය අයත් තාරකාව වන හිරු,සුදු කුරුමිට්ටකු වී එහි ගුරුත්වාකර්ෂණයෙන් වටා ඇති ගුහලෝක හා ක්‍ෂුද්‍ර ග්‍රහලෝක ආකර්ශණය කර ගනු ඇත.එහෙයින් GD 61 හා එහි සුන්බුන් පෘථිවි අනාගතය පිළිබඳ ක්ෂණික දර්ශණයක් විය හැකි බවට අදහස් දක්වති.

Farihi & team  - Journal science

Francie Diep  -  Popular science, October   ඇසුරෙනි.

ද්‍රව මත ඇවිදින ද්‍රව බින්දු

                

මෙම කුඩා සිලිකන් තෙල් බින්දු කම්පනය වන සිලිකන් තෙල් ද්‍රාවණය මතට වැටී තෙල් බින්දුව ද්‍රාවණය තුල ගිලී ද්‍රාවණයේම කොටසක් නොවී ද්‍රාවණය මත පනිමින් ඇවිදින අයුරු අපූරු නොවේද?ද්‍රාවණයේ කම්පනය නිසා ඇති කරන තරංග මත තෙල් බින්දු ගැටීම නිසා එය ද්‍රාවණය මත චලනය වේ.

 සාමාන්‍ය ඇසට,තෙල් ද්‍රාවණය තුල තෙල් බින්දුව පනිමින් දුවන අයුරු දර්ශණයවේ.තෙල් බින්දු ප්‍රදර්ශනය කරන මෙම ස්වභාවය ක්වොන්ටම් තාක්‍ෂණය පිළිබඳ අධ්‍යයනය වැදගත් බව පර්යේෂකයෝ සඳහන් කරති.

 ඉතා සියුම් (අන්වීක්‍ෂක) අංශු තරංග සමඟ සම්බන්ධ වී චලනය වීම විස්තර කරන ක්වොන්ටම් ක්‍රමයක් වූ Pilot wave dynamics (නියමු තරංග ගතිකය)නම් අධ්‍යයනය සඳහා මෙය විශාල පිටුවහලක් බව ඔවුන්ගේ මතයයි. ඩෙන්මාර්ක්හි තාක්‍ෂණ විශ්ව විද්‍යාලය හා MIT ආයතනයේ droplets සම්බන්ධ අධ්‍යයනයේදී ලබා ගත් මෙම අපූරු වීඩියෝ දර්ශණය Physics of Fluid සඟරාව මඟින් ප්‍රකාශයට පත් කර තිබේ.

උපුටා ගැනීම  :- Shaunacy Ferro, Popular Science, October                            http://www.popsci.com/article/science/watch-droplet-walk-liquid-video?dom=PSC&loc=recent&lnk=7&con=watch-this-droplet-walk-on-liquid-videohttp://www.youtube.com/watch?v=nmC0ygr08tE

දියවැඩියාවට කෘත්‍රිම අග්න්‍යාසයක්

දියවැඩියා රෝගීන්ගේ ඉන්සියුලින් (insulin) මට්ටම පාලනය කිරීමේ කාර්යයට නිෂ්පාදිත කෘත්‍රිම අග්න්‍යාසයක් සඳහා එක්සත් ජනපද ආහාර හා ඖෂධ පාලනාධිකාරිය විසින් අනුමැතිය ලබා දී තිබේ.

අග්න්‍යාසය මඟින් රුධිරයේ සීනි මට්ටම පාලනය කරන ඉන්සියුලින් හෝමෝන ශරීරය තුල නිපදවයි. එහෙත් පළවැනි ඛාණ්ඩයේ (සමහර අවස්ථාවලදී 2 ඛාණ්ඩය) දියවැඩියා රෝගීන්ගේ අග්න්‍යාස ඉන්සියුලින් නිෂ්පාදනය නොකරන බැවින් ලේවල සීනි මට්ටම ක්‍රමවත් කිරීමට ශරීරයට නොහැකිය.

මිනොපොලිස් (Minneapolis) ප්‍රාන්තයේ Medtronics නම් වෛද්‍ය තාක්‍ෂණ සමාගම විසින් පැළඳිය හැකි කුඩා යාන්ත්‍රික උපකරණයක් ලෙස නිර්මාණය කර ඇති මෙම ක්‍රමයෙන් ශරීරයේ ග්ලූකෝස් මට්ටම අධික ලෙස අඩු වුවහොත් ඒ බව හඳුනාගෙන ඉන්සියුලින් සැපයීම ස්වයංක්‍රීයව නවතා රෝගියා දියවැඩියාවේ කෝමා (අධිමුර්ජාව) තත්වයට පත්වීමෙන් වළක්වාගනු ලැබේ.

සාම්ප්‍රදායික ක්‍රම මඟින් රුධිරයේ සීනි මට්ටම ප්‍රමාණය ඉක්මවා අනතුරුදායක ලෙස පහල බැස තිබියදීත් ඉන්සියුලින් සැපයීම අඛන්ඩව සිදුවීම නිසා බොහෝ විට රෝගීහු විසඥතාවයට (unconsciousness) පත් වෙති. මෙය නින්දේදී සිදුවූයේ නම් රෝගියාට තමාගේ රුධිරයේ සීනි මට්ටම ආමානය (මැන ගැනීම) කර ගත නොහැකි වීමෙන් භයානක ප්‍රතිපල අත්විය හැකිය. Medtronic’s MiniMed (මෙඩ්ට්‍රොනික් මිනිමෙඩ්) 530G ක්‍රමය රුධිරයේ සීනි අඩු අවස්ථා (hypoglycemia/මන්ද මධුරක්තිය) හඳුනාගෙන (93% ක ප්‍රතිශතයකින්) රෝගියාට ඒ බව දැනුම් දීමට අනතුරු ඇඟවීමේ නාදයක් නිකුත් කරයි. එහෙත් එයට රෝගියා ප්‍රතිචාර නොදැක්වුවහොත් යන්ත්‍රය විසින් සිවයංක්‍රීයව ඉන්සියුලින් සැපයුම පැය 02 කට නවත්වා අනතුරුදායක (මන්ද මධුරක්තිය සන්යාසය) තත්වය මඟ හරිනු ලැබේ.

පැළඳිය හැකි කුඩා යාන්ත්‍රික උපකරණයක් වන කෘත්‍රිම අග්න්‍යාසය දියවැඩියා රෝගීන් ආරක්‍ෂා කර ඔවුන්ට ආරක්‍ෂාකාරී සුව නින්දකට ඉඩ සලසනු ඇත.

උපුටා ගැනීම  :-  Shauncy Ferro – Popular Science October

රියදුරු නොමැති මෝටර් රථ

මෝටර් වාහන පාලනය වෙනස් වීමේ රැල්ලට වාහන අතර සන්නිවේදනය,ගමනාගමන තදබද සහකරු වැනි අංග එක් වීම මගින් මාර්ග නීති පිළිබඳව වඩා වැඩි විශ්වාසයකින් කටයුතු කිරීමට රියදුරුට සිදුවේ. ඔබගේ මෝටර් රථය සුපුරුදු උදෑසන මාර්ග තදබදය තුල ඉතා සෙමින් ධාවනය වන විට, බොත්තමක් ඔබා මෝටර් රථයේ ධාවන වගකීම මොටර් රථයටම පවරා ඔබට තේ කෝප්පයක් පානය කල හැකිය.

විශේෂ අධිවේග මාර්ග ධාවන තත්‍ව යටතේ ස්වයංක්‍රියව (රියදුරා නොමැතිව) ධාවනය වීමේ හැකියාව ඇති බව, තම පළමු ස්වයංක්‍රිය මෝටර් රථය ලෙස  Mercedes – Benz සමාගමේ 2014 -S පංතියේ මෝටර් රථය වෙළඳපොලට ඉදිරිපත් කරන බව එම සමාගම පවසයි.මෙහි රියදුරු රිය පාලනය කිරීමට කිසිවක් කළ යුතු නැති නමුත් සුක්කානම මත දෑත රඳවාගෙන සිටීම අවශ්‍ය වේ.සුක්කානමෙන් දෑත ඉවත් කළවිට සංවේදක මගින් ස්වයංක්‍රියව එය රියදුරු ධාවනය කිරීමේ ක්‍රමයට පරිවර්තනය වේ.රියදුරු නොමැති වාහන පිළිබඳව සමහර මෝටර් රථ නිෂ්පාදකයන් වෙහෙසට පත්ව තිබුණද  Google සමාගම එය ග්‍රහණය කරගෙන ඇත.මේ සෙවුම් යන්ත්‍ර (Search Engine) යෝධයා පසුගිය දශක දෙකම ස්වයංක්‍රිය ධාවනය සම්බන්ධව ක්‍රියාකාරී විය.මීටඅමතරව ඇමරිකා එක්සත් ජනපදයේ නෙමෙඩා,ෆ්ලෝරිඩා හා කැලිෆෝනියා යන ප්‍රාන්ත වල රියදුරු රහිත වාහන ධාවනය අනුමත කිරීමේ නීති සම්මත කර ඇත.

Google සමාගමේ රියදුරු නොමැති මෝටර් රථ කැලිෆෝනියාවෙදී පමණක්  සැතපුම් 300,000 ක දුර අනතුරකින් තොරව පරීකෂණ ධාවනය සම්පුර්ණ කර තිබේ. සුක්කානම අසල අසුනේ මගියෙකු සිටියද ඔහු රිය පැදවිය යුතු නැත. සංවේදක, ලේසර්, වහලේ සවිකර ඇති 360⁰  භ්‍රමණයක් සවිත කැමරාව සහ GPS සම්බන්ධතාවය මෝටර් රථය මෙහෙයවයි.එහි ධාවනයේ ආරක්ෂිත බව වර්ධනයට අවධානය යොමු වී ඇතත් මෝටර් රථ නිෂ්පාදනයට අවතීර්න වීමට අදහසක් නොමැති බව Google සමාගම ප්‍රකාශ කරයි.

මේ අතර Toyota සමාගමද ස්වයංක්‍රියව ධාවනය කල හැකි මෝටර් රථය ලෙස වැඩිදියුණු කල Lexus මෝටර් රථය ප්‍රදර්ශනය කළද එය පර්යේෂණාත්මක තත්වයේ බව දන්වන ලදී.

රියදුරු රහිත වාහන තාක්ෂණය තව වසර 10කින් සම්පුර්ණ කිරීමට Google සමාගම අපේක්‍ෂා කළද, නීති හා රෙගුලාසි,රක්‍ෂණය, රියදුරු අධ්‍යාපනය, පසුතල පහසුකම් වැනි බාධක නිසා ඊට වැඩි කාලයක් වුව ගත විය හැකිය. නෛතිකව අන්ධ පුද්ගලයෙකු කැලිෆෝනියා නගරයේ Google මෝටර් රථය පදවන හා ගමනේදී ආහාර පාර්සලයක් මිලදී ගන්නා අයුරු වීඩියෝවේ දැක්වේ.

උපුටාගැනීම:

http://www.youtube.com/watch?v=cdgQpa1pUUE

http://www.aarp.org/home-family/getting-around/info-03-2013/driverless-cars-are-we-close.html

මොළයට බෙහෙත් දෙන චුම්භක නැනෝ රොබෝවරු

නැනෝ (නිනිති) මීටර 1 ක් යනු මීටරයකින් කෝටි 100 කින් පංගුවකි. එනම් අනුපාතයක් ලෙස වීදුරු මාබල් බෝලයක් (නැනෝ මීටර 1) හා පෘථිවිය (මීටර 1) ලෙස සන්සන්දනය කළ හැක.

එතරම් කුඩා වූ නැනෝ (නිනිති) අංශු නැරඹීම හා ඒවා මෙහෙයවීම සඳහා ඉතා සූක්‍ෂම අන‍්වීක්‍ෂ භාවිතා කළ යුතු අතර ඒවා ආරක්‍ෂාකාරීව පාලනය වන පරිසරයක් තුල පවත්වාගෙන යෑම හා ක්‍රියාත්මක කිරීම කළ යුතුය. අවකාශයේ අංශු හා පරීක්‍ෂකයන්ගේ අංශු මඟින් උපකරණ දුෂ්‍ය වීම වැලැක්වීමට අතිශය පිරිසිදු,කම්පනයෙන් ආරක්‍ෂා කිරීමට ටොන් 5000 ක කොන්ක්‍රීට් එකකට සවි කරන ලද අඩි 40 ක් පොළව යට වූ පරීක්‍ෂණාගාර වල විද්‍යාඥයෝ නැනෝ තාක්‍ෂණය පිළිබඳ විවිධ පරීක්‍ෂණ වල නියැලෙති.             

නිනිති තාක්‍ෂණ යෙදුම් වෛද්‍ය, ඉලෙක්ට්‍රොනික, බලශක්ති, අභ්‍යවකාශ,පාරසරික, ආහාර, ක්‍රීඩා, ඇඟලුම් වැනි විවිධ විශාල ක්‍ෂේත්‍ර සමූහයක් සඳහා ක්‍රියාත්මක වේ.වෛද්‍ය විද්‍යාවේ චුම්භක නිනිති රොබෝවරු (magmatic Nano bots) මඟින් ඖෂධ මොළය,පිළිකා සෛල,ඇස ඇතුළු ශරීරයේ සංකීර්ණ ස්ථාන වල ආබාධිත කොටසටම පමණක් ලැබෙන සේ ප්‍රවාහනය කිරීමට හැකි වීම අතුරු ආබාධ බොහෝ සේ වලකා ප්‍රතිකාර වඩාත් සාර්ථක කිරීමේ අවස්ථාව සලසා දී තිබේ.එමඟින් වර්තමානයේ සුවපත් කළ නොහැකි රෝගීන් බොහෝ දෙනෙකු සුවපත් වනු ඇත.

රූපයේ දැක්වෙන 100 මයික්‍රෝන දිග හා 40 මයික්‍රෝන පළල මොළයේ අදාල ආබාධිත ස්ථානයට ඖෂධ ගෙන යන වාහනයක් ලෙස වූ ඉතා කුඩා නැනෝ අංශු ස්විස්ටර්ලන්තයේ හා දකුණු කොරියාවේ ආයතන සහයෙන් චීන පර්යේෂකයෝ විසින් නිර්මාණය කර ඇත. විද්‍යුත් චුම්භක ක්‍ෂේත්‍ර මඟින් ධාවනය කරවන මෙම micro bots (නිනිති රොබෝ අංශු) නිකල් ආලේපිතය.

ඉතා කුඩා රොබෝ අංශු ප්‍රතිකාර අවශ්‍යතාවය සඳහා රුධිරය තුල පිනා යෑමට සැලැස්වීම වසර 2011 දී භාවිතා විය.වෙනත් micro bots වර්ග ඖෂධ ගෙන ගියද ඒවායේ වක්‍ර හැඩ හා කුඩා ඉඩ කඩ නිසා ගෙන යා හැකි වූ ඖෂධ ඖෂධ ප්‍රමාණය සීමාසහිත විය. සජීවි සතුන් තුලචුම්භකත්වයෙන් ගමන් කරන robots ද මින් පෙර භාවිතා කර තිබේ. එසේ නම් මෙම micro bots ගේ විශේෂත්වය කුමක්ද? පිළිතුර ප්‍රමාණය ව්‍යාපෘතියේ පර්යේෂකයකු වූමෙසේ විස්තර කරයි. “micro bots යනු ආබාධය ඇති ස්ථානයට ඖෂධ ප්‍රවාහනය කරන වාහනයකි.ඒ සඳහා මට අවශ්‍ය මෝටර් රථයක් නොව ට්‍රක් රථයකි” විශාල ඉඩ සහිත micro bots වැඩි ඖෂධ ප්‍රමාණයක් ප්‍රවාහනය කරයි. මනුෂ්‍යයින් සඳහා micro bots යොදා ගැනීමට තව කාලයක් ගතවිය හැකි නමුත් හාවා, මීයා වැනි සතුන් සඳහා අත්හදා බැලීම් කර තිබේ.

http://ngm.nationalgeographic.com/2006/06/nanotechnology/thiessen-photography#/marble-blue-615.jpg , http://www.youtube.com/watch?v=m8Wduj3iF7g   සහ

 Popular Science, http://www.popsci.com/technology/article/2013-09/minuscule-nanobots-carry-medicine-and-cells?dom=PSC&loc=recent&lnk=10&con=these-magnetic-nanobots-could-carry-drugs-into-your-brain  ඇසුරෙන්ය